15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Mynsoo 3 ngut ki dkhot ka KJBWA wa chah thombor ha ki suba khayi masi tooh

0 Comments
Advertisement ad1
Advertisement ad1
Advertisement ad1

Shillong: Ki dkhot ka Khasi Jaiñtia Butcher Welfare Association (KJBWA) ynnin i miet heipor kamwa 10 waje da chah thombor ki ha Lad Sharai hajan ka chnong Mawleiñ-Mawkhan, Ri-Bhoi District katwa dang lai sylli ki ya boi em ki kari kiwa kit tooh tooh ya ki masi cha Bangladesh.

Hawa yoh u yaklam wa u President ka KJBWA lyngba ka phone da khana u wa ki dkhot ka seiñ kiwa choh doh masi hadien wa pynman ki ya i sylli boi em i challan namo i kit tooh ya ki masi, ynnin ka miet da yoh ki ya kawi ka truck kawa yieñ ha rood sarok kawa da suba wa ye ko wow kit masi tooh hadien wa kynreh ya kani ka truck da chem sakhiat wa da kit ya ki masi.

Advertisement ad1

Katwa ki dkhot dang takit ki cheiwon u kit ya kini ki masi, syndet syndet da wan kawi ka kari Verna (wym em number plate) heiwa da mih kamwa 4-5 ngut ki bru kiwa da kbai da mai da tim wei da dat wei da mih leh ki paidbah kiwa da dat da bom ya kini ki dkhot ka KJBWA iwa da pynbor ya ki dkhot wow yut rieh cha khloo.

U Warlarpih da khana u wa kini kiwa da mynsoo da tip kam u Khrawkupar Kharnaior, u Pynshisha Buhphang wa u Kupar Lyngkhoi wei da em leh kiwi ki dkhot kiwa da mynsoo malum malæ.

U President ka KJBWA da ong u wa ka seiñ mar ya tip ko ya ini wa jia da lai ujor ki ha Umïam Police Station wei da kyntu leh ya ki bor ki aiñ wow chimkhia hajrong ini.

Share this:
Previous

Yap palat 104 ngut ki khynnah ha Muzaffarpur, neidaw ka AES

Next

Joor sih u sarok Borkhat-Lama dawa ka SBYWA wow pynchna smat