Na ka sorkar pyrdi paan yarap wow pynkhai im biang ya ka Wah Umkhrah wa Umshyrpi

U montri rangbah ka jylla, u Conrad Sangma chirup wa u montri ka Water Resource, u Brolding Nongsiej ynne ka sngi da yachem ki ya u montri ka sorkar pyrdi wa pait ya ka chnat Jal Shakti, u Gajendra Singh Shekhawat, heiwa u Conrad da pyntip u ya hajrong ki kreh ya ka Jal Jeevan Mission ha Meghalaya.

Neiliang u montri ka sorkar pyrdi da pynsñiaw u yei kmen mynsien hajrong i pynkreh ya kani ka Mission wei da ebuit u hajrong kammon wow pyndep ya i kreh hapoh i por.

Chooh chooh u Gajendra Singh Shekhawat da kular u wow e yarap ya ka jylla hapoh kani ka Mission wei da pynchlur u ya ka sorkar wow kreh ko khlem sangeh wow poi cha ka thong.

Da yaklam leh hajrong ka PMKSY Micro-irrigation Scheme wa ka Har Khet Ko Pani Scheme wei wow pynlait noh ya ka poisa wei da kyrpaad leh i yarap na ka Ministry hajrong i kreh wa da angnood.

Related posts

Kwah u George wow psiah biang cha ka Congress yow yakhun MDC

December 23, 2024

Pynbna ka NPP sa 6 ngut ki kyrtong MDC cha ka JHADC

December 23, 2024

U Conrad da paan yarap u leh neibynta ka thong ka sorkar hajrong wow pynkhai im biang ya ka Wah Umkhrah wa Umshyrpi.

Neiliang u Shekhawat da kular u wow yarap ya ka jylla wei da phah leh ya ki sahep ka Ministry wow pyntikna wa kini ki kreh daw pyndep ya ki.