Ynne ka sngi ka JSU Khliehriat Circle chirup wa u Waheh Chnong deilang wa ki dkhot Committee ka chnong Thangskai da lai yachem ki ya u DC ka East Jaiñtia Hills wei da e dorkhat ki ha oo wow pyndooh pyndam ya ka Permanent Residential Certificate (PRC) kawa u baar jylla u Ayush Kumar wa u pa yong oo u Sunil Kumar neibhah da pynemkaam thok ki wow yoh ya ka State Quota wow puræ MBBS.
Ka chnong da pynche ko wa ha u snem 2021 da e Certificate wa chong chnong u Ayush Kumar ha Thangskai kawa krehkaam ynru bnai neibhah u pa uni u khynnah toh uwa kreh ha karkhana ka Dalmia Cement heiwa da paan u ya ka Temporary Residential Certificate na ka chnong wow pynyoo cha ka skur wa lai puræ 10+2 u khon u ha Orissa neibhah oo kam u pa da sah u ha Thangskai la 12 snem tangwa kini ki baar jylla da pynemkaam thok ki ya ki kot deiwa yaleh ya ka PRC na yung krehkaam u DC ka District yow yaleh syndon ya ka State Quota yow lai puræ MBBS.
Ka seiñ da ong ko wa kini ki chi pa chi khon ymtoh kiwa chong chnong wa pura ka Meghalaya wei kiwa wan sah chipor donhi.
Kamtæ neiliang ka chnong da thoh ko cha u DC wow pyndam syndon ya ka PRC neibhah u pa wa uni u khynnah da pynemkaam bakla ki ya ka kot chnong wei da beiñ leh yeini i chim kabu kini ki bru.
Neiliang ka JSU da maham ko ya kiwi ki baar jylla wa ki heh chnong wym toh wow e NOC kulmar neibhah ymtip kammon da pynemkaam bakla ya kini ki kot.
Discussion about this post