Ki Tourism Society wa em ha ka Darrang Elaka kitæ ka Darrang Tourism Promotion and Development Society, ka Shnongpdeng Tourism Development Society wa ka Dawki Tourism Development Society deilang wa u Dolloi wa kiwa yahkhmat Elaka da yachem ki wa u Prestone Tynsong, Symbood Montri Rangbah ka sorkar Meghalaya hajrong i eh wa da maad nei jngut ka wah Umngot.
Da pynsñiaw ha u Prestone wa ha kini ki por tlang wa rkhiang ka suiñbneiñ ym jooh jngut ka wah Umngot, tangwa ha uni u snem da jia kamni iwa da wanrah yei dooh-nong chiboon ya kiwa kreh wei kamai ja-kpoh nei wan kiwa uiñke suwari.
Da ong wa ini i ktieh i jngut ka wah toh neidaw wa chna ya u sarok Shillong-Dawki ha ki thaaiñ wa cha wah ka Laitlyngkot heiwa ye u man wa em i noh khyndaw cha ka wah iwa dapoi chadooh Dawki.
Heijooh i por da ong wym em pyrchah ya ki kaam pynroi tangwa da kyrpaad ya ka sorkar wow pynbait smat ya ini i kaam neibhah ka samoi wa wan ki Tourist dapoi ko.
Da ong leh wa kiwa boon toh kiwa kiñ lieñ ya ki Tourist, kiwa booh thaw sah wei em leh kiwa da chim da ka ram yow seiñ khih tangwa lada kamni daw maad ki yeiwa eh u im-ja.
U Prestone da ong u wa da chimkhia u yeini wei da phah wow thooh laad yow pynbait yeini.
Puræ leh: Nei naam kam ka wah wa khooid tam ha Asia chei lang ktieh ka wah Umngot
Discussion about this post