U Deputy Commissioner (Election), West Jaintia Hills deilang u DC (Election) ka East Jaiñtia Hills da pyntip ki wa ka Election Commission of India da phah ko wow pynman ya ka Special Intensive Revision (SIR),2026 yong ka thup Electoral Roll yow paitbniah yei pyrtuid kiwa em Vote ha waroh ki jylla.
Kam chibynta ini da phah wow pynman ya ka Special Intensive Revision (SIR), 2026 ha 1- Nartiang Assembly Constituency , 2- Jowai Assembly Constituency, 3- Raliang Assembly Constituency, 4- Mowkaiaw Assembly Constituency, 5-Sutnga Saipung Assembly Constituency, 6-Kliehriat Assembly Constituency wa 7-Amlarem Assembly Constituency.
I rukom kheiñ ya kiwa thap Vote toh kiwon kiwon kiwa daw dap 18 snem ha ka 01-10-2026.
Ki Booth Level Officers (BLOs) daw lai psiah ki cha ki yung ki sem nadooh ka 30-06-26 hadooh ka 29-07-26 wei daw saam ki ya ki Enumeration Form cha waroh kiwa thap Vote kiwa da em pyrtuid ha ka Electoral Roll. Hadien wa da pyndap ya ka Form, u BLO daw chim u kawi ka Copy katwa kawi won daw ksoh uwa thap Vote hadien wa da soi pyrtuid kam ka dak wa da pdiang ya ka.
Ya ki Enumeration Forms kiwa wanrah da ki BLO, neiliang ki Electoral Registration Officers (EROs) daw pynkhreh ki ya ka Draft Electoral Roll kawa daw pynmih paidbah ha 05-08-26.
Lada em kiwa kwah wow booh ki ujor (Claims & Objections), yei wow leh nadooh ka 05-08-26 hadooh ka 04-09-26 wei i bichaar ya kini ki ujor u man ko nadooh ka 05-09-26 hadooh ka 03-10-26.
Lada em ki wym em pyrtuid lane i wym biang i thoh yei pyrtuid, i rta wa kiwi kiwi, ye ki wow ujor deiwa pyndap ya ka Form 6, Form 7 wa Form 8 katkam wa yatoh wa iwa emkaam ki kawa yahaap wa ka ujor wa da booh ha ki BLO.
Ka Final Electoral Roll daw pynmih ka ha ka 01-10-26.
Kamtæ da kyrpaad ya ki paidbah wow e yei ya krehlang wa pura wa ki Booth Level Officers (BLOs) ryngkat wa ki bor District khnang wa ka Special Intensive Revision (SIR), 2026 u man ko kawa lai bait wei kawa jop.
Discussion about this post