Shillong: U THS Boney ynne ka sngi da thap pyrtuid u kam u kyrtong MP naka Khun Hynniewtrep National Awakening Movement (KHNAM) ha u Returning Officer (RO) cha ka Shillong Parliamentary Constituency ha yung krehkaam u DC, Shillong.
Hawa yaklam wa ki laad pathai khubor, u Boney uwa da synran da kiwa yahkhmat ka KHNAM u Adelbert Nongrum wa kiwi da ong u wa ka jylla Meghalaya da pynyoo ha ka Atlas wa ka Meghalaya ka heh ko 22429 Sq. Km. tangwa ini i thaw ym em man ko kawa biang neibhah boon ki thaw toh kiwa ya kajai wa ka Assam.
“Ha ka Atlas wa sikai ha ki skur, ka ym em pynyoo ko ya ki thaw wa kajia pood waka Assam iwa mut wa em i bakla”, da ong u.
Katkam wa ong ong u Boney, kini waroh toh ki kaam wa leh kiwa synchaar wa kiwa yahkhmat wa rim wei ki paidbah toh u kylli ki hajrong ini. “Kylli na waroh kiwa waroh chi kattu”, da ong u.
Ha i jooh i por, sñiawkhia u yei dooh kaam dooh jam ki khynroo khyllood hapoh ka jylla. “Pait nga toh u IFS, nga Pass O ha u snem 1985 tangwa hadooh u snem 2013, ym em ki Khasi kiwa Pass, iyi i daw wa ym em de kiwa Pass, toh neidaw wa da sih ki skur khamtam cha ki thaw nongkyndong.”
Da ong u wa ka rep ka riang da tlot ko neidaw wa ym em wa chimkhia wow e sikai ya ki warep wei ym em kiwa sikai ha ki skur.
“I emkaam i wow kyntu ya ki warep, ym jooh em kiwa sikai wa man jaw namo Acid ka khyndaw hadooh wa ki mar rep da duna lut, ym em wa sikai ya ki warep ha ka jylla”, da pynrap u.
Da klam u leh ya i hiar ka yoh ka kot hapoh ka jylla Meghalaya ha kini ki snem waroh.
Da ong chooh chooh u wa katkam ka Wikipedia, ka Gross Domestic Product (GDP) ka Per Capita Oncome ki jylla ha India, wa wan nyngkong toh ka jylla Goa bood sa ka Sikkim, ka Mizoram ka wan ko ha ka kyrdan wa 18, Nagaland 23 katwa ka Meghalaya ka poi ko chadooh 28 na ki 32 tylli ki jylla.
“E laad ya nga saan snem, u ya sait ya kini ki phang wa emkaam ka jaitbru”, da ong u Boney.
Discussion about this post