I diñ wa chyrkhei da baam lut i ya ki phaw tylli ki yung wa em ha kawi ka thaw wa haap hapoh Cantonment Beat House, wei katkam wa khana kawi ka manbei wa sah marjan, da ong u wa i diñ da sdang nei thut i bordiñ na kawi ka yung wym em bru neibhah wa kiwa sah ha katai ka yung lai chnong ki.
Da ong ko wa kini kiwa sah heini toh kiwa na Bihar, Nepal wa waroh kiwi ki jait kiwa em hadooh kamwa 85 tylli ki yung wa da syrdep da ki tin, wei da khana ko leh wa ha ini wa jia ym em kiwa mynsoo tangwa da dooh noh yeiwa boon wa em ha kini ki yung ki sem.
Katkam wa ong kani ka manbei, da em 3 ngut ki bru wa man kam ki tre yung heini.
Da khana ko wa i diñ da sdang i nadooh i por 4:00 waje wei da poor i hadien wa pdung sa ki Gas Cylinder hadooh wa ki pulit ka chnat Fire and Emergency Service da chem chitom ki wow tympleh nei joor smat poor i diñ.
Discussion about this post