Nalor i emkaam sa ya ki 10 ngut kiwa sikai, dang em chiboon i duna hapoh ka KNGC

Jowai: Hanlada u montri ka tnat puræ puthi hapoh ka yung dorbar ka jylla ong u wa i em kiwa sikai ha Kiang Nangbah Govt. College, Jowai man ki kiwa biang, tangwa hei booddien won kiwa pathai khubor da chem wa man i dei kylla.

U montri ka tnat puræ puthi ka sorkar jylla u Lahkmen Rymbui haka 12 tarik uni u bnai hawa jubab u hapoh ka yung dorbar chna aiñ ka jylla yeiwa kylli da u MLA ka 2 Jowai u Wailadmiki Shylla hei yatoh wa kiwa sikai ka KNGC, da ong u wa kiwa sikai ha kani ka College man ki kiwa biang wei em ki 67 ngut wa sikai hei sngi wa 16 ngut kiwa sikai hei step.

Hawa yachem wa u Principal kani ka College u O.U. Lyngdoh da khana u wa katkam ki Sanction Post dang emkaam sa 10 ngut kiwa sikai wei ini pynyoo i wa yaphær ko bak neiwa jubab u montri hapoh ka yung dorbar.

Neidaw wa duna kiwa sikai chem chitom bha khamtam wa da pynkrehkaam da ka Semester System wa haap u yaleh Exam ar sien chisnem heijooh i por leh wa ka Annual System u kut ko hadooh u 2019. Kamtæ ini da ban khia bha i ya kiwa sikai wei emkaam bran bran wow yoh ya kini Sanction Post.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Da pyntip u wa ki 10 tylli ki post wa lait toh 1 haka English Dept., 2 tylli haka Political Dept., 2 tylli haka Economic Dept., 1 haka History Dept., 1 haka Philosophy Dept., 1 haka Physic Dept., 1 haka Chemistry Dept wa 1 haka Botany Dept.

Neitæ won kiwa sikai hei sngi toh kiwa da yoh i su wa biang naka sorkar katwa ki 16 ngut wa sikai heipor step won da su Contractual Basis hi-eh kamwa 5 hajar chibnai.

Kamtæ i duna ki 10 ngut kiwa sikai wanrah ko i eh ya kani ka College kamjooh i khia kaam ya kiwa sikai. I daw wa lait ki Post toh wa em kiwa da chong ngiah wei neidaw wa em kiwa da ku kyrdan.

Kam u pynkynmoo wa ka Higher Secondary School leh hadooh kamwa man kattæ dang pynman haka yung yong kani hi ka College neidaw wympu yoh ko jar jiar i yung wei iwa wanrah i eh neidaw wa khynñia, nalor wa waroh i jait dang haap u pynemkaam bait dei yong ka College nadooh ki thaw chong, ki Laboratory wa kiwi.

Da ong wa haki sngi wa toh u leh Practical da leh lang wa ki Higher Secondary neidaw wym em ki ka Laboratory, ini chim ko yei por wei ym jooh ye u pyndep heipor wa biang neidaw wa da haap ki u yaknieh wa kiwa puræ Degree. Neitæ won boon hi kiwa sikai yong kani ka higher Secondary leh toh kiwa dang su Contract Basis wa haap pynthymme man ka 59 sngi.