Nadooh wa lai yachem ki MLA ka UDP ya u Amit Shah ha Delhi ha uni u bnai yow yaklam ya kiwa boon ki phang nadooh ka ILP, u mooyong, ka FCRA wa kiwi de, da sdang mih ka khubor wa em i yaklam wow kynthiar jhaad hadooh 9 ngut ki MLA ka UDP cha ka BJP.
Hachwa ini, u MLA ka BJP, u AL Hek da ong wa u em ki MLA kiwa katni kiwa da kwah wow psiah noh cha ka BJP.
Kattæ won da joor bha kani ka khubor wa ini waroh iwa ye u jia sakhiat iwa daw pynkylla dur yei kaam saiñhima hapoh ka jylla heiwa kiwa rap khlanbor hapoh ka liang synchaar leh daw ye u lai cha kiwi won.
Ka khubor wa da mih da ong wa em ki MLA ka UDP ki wym em kmen yei rukom pynlai ya ka Party da u President, u Metbah Lyngdoh.
Ka UDP toh kawa em 12 ngut ki MLA kattæ hapoh ka Meghalaya Legislative Assembly wei na kini da em 9 ngut kiwa ye u yut wei lada leh ki yeini, daw ku ki MLA ka BJP cha ka 11 ngut katwa ka UDP u hiar cha 3 ngut.
Lada yut ki 9 ngut daw lait ki leh wow chah pynngat hapoh ka aiñ Anti-Defection.
Em leh ka khubor wa da ong wa lada kini ki MLA u psiah BJP ki, toh u yoh bhah ko rap boon ki chuki Montri sorkar iwa ye u ktah bha yei long i man ka sorkar.
Puræ leh: E jubab u Amit Shah ya ki MLA ka UDP neibynta ka ILP, mooyong, MRSSA wa kiwi de
Discussion about this post