U President ka Bharatiya Janata Party (BJP) Meghalaya, u Ernest Mawrie da ong u wa hadooh katni ym pu em yoh iwon iwon i thoh na u Himalaya M Shangpliang wa daw mih noh u na ka Party, laitnoh du iwa yoo ha ki laad pathai khubor wa da e da kiwa yahkhmat ka BJP Mawsynram Mondal.
Da ong u wa Hima uwa man kam uwa e kiten ka ka BJP, da wiar u leh na ki yalang kiwa emkaam yong ka Party wot hawa wan ki Montri yong ka sorkar pyrdi, tangwa hajrong i mih khubor wa daw yakhun Election MP na ka NPP, u Mawrie da ong u wa neiliang Party ym kwah ko wow ong iyi iyi.
Hajrong i leh kaam ka Party pyrchah ya u Hima, neiliang u President ka BJP da ong u wa da dep wow pyntip cha ka Disciplinary Committee wei ka Committee da pyrkhat wow khut yaklam ya u Hima.
U HM Shangpliang da yakhun u ya ka Election MLA 2023 na Mawsynram na ka seiñ BJP, tangwa da rem noh u wei katni won da thung ya oo kam uwa e buit yong ka sorkar ha ka chnat puræ puthi.
Kam wow kdaw heini leh wa ka khubor da hær smat bha ko wa u Himalaya da thmu u wow mih noh na ka BJP wow yakhun ya ka Election MP Lok Sabha na Shillong na ka seiñ NPP.
Discussion about this post