Ynne ka sngi, ki pulit da yoh ki wow sai ya iwi i metyap yong uwi u bru uwa da wiar na yung nadooh ka 1 tarik uni u bnai.
Yeini i metyap da yoh wow chem na tyngkong ka yingkieñ Umshyrpi kawa dang haap hapoh u pood u ang yong ka Jhalupara Police Outpost.
Ini i metyap toh i yong u Kynsailin K Phanbuh wei da chem hadien wa pteiñ wow thooh ya oo da kiwa ha-yung ha-sem wa ki bor chnong nadooh wa wiar u na yung.
Katkam ka khubor wa da yoh, yeiwa dang sah u Kynsailin da chem da kiwa chong chnong ka Lummawbah kiwa da mih wow thooh yong chnong wei mar ya chem da pyntip wut-wut cha ki bor pulit kiwa da lai sai ya i metyap na kawi ka thawi kawa em ha tre ka yingkieñ Umshyrpi.
U Kynsailin toh uwa chong wa sah ha ka chnong Lummawbah Block- 3, Upper Shillong wei da wiar u na yung nadooh ka 1 tarik uni u bnai.
Discussion about this post