Nei lai tympleh yei diñ wa iñ i yung u Judge ka Delhi High Court chem ya ka poisa wa boon wa murieh  

U Judge ka Delhi High Court da chah kyrriah u deiwa phah ka Supreme Court Collegium hadien wa chem chiboon ka poisa ha i yung wa sah u hadien wa iñ ini i yung. Uni u Judge da tip kam u Justice Yashwant Verma wei da phah biang ya oo cha ka Allahabad High Court.

Heipor wa iñ i yung, u Justice Varma ym em u heiwa kiwa ha-yung ha-sem u da pyntip ki cha ki pulit tympleh diñ deilang ki pulit wei hadien wa tympleh yei diñ da chem chiboon ka poisa wa murieh ha kiwa boon ki kamra kani ka yung (Bungalow) u.

Mar ya poor kani ka khubor, neiliang u Chief Justice of India (CJI), u Sanjiv Khanna da khut pynman yalang u ya ka Collegium wei da chim ya ka rai wow phah biang ya u Justice Verma cha ka Allahabad High Court kawa jooh em u hadooh u Naichiphaw 2021.

Ka takit dang lai ko chakhmat wei da pynkhreh leh wow pyndooh noh yei kyrdan u Justice Verma.

Related posts

Pynbna u DC ya ki Number wa ye ki bru wow Phone yow yoh yarap ha kini ki por joor slap

July 4, 2025

Da chem ya uwa na Meghalaya uwa wiar ha Guwahati Zoo

July 4, 2025

Em ki Judge kiwa da ong wow kyrriah donhi ya uni u Judge ymtoh iwa biang wei daw ktah ko leh yei burom ka rukom bichaar kamjooh i chaniah ya ka aiñ, kamtæ da em kiwa ong wa u Justice Verma toh u ieh noh u yei kaam u khlem da chah pynbor. Lada ym leh u kamni, daw pyndooh pyndam yei kyrdan u deiwa hap leh hapoh Parliament.

Katkam ka kyndon, u Chief Justice nyngkong hap paan pynche u wei lada ym sñiawhun yei pynche daw hap wow pynman ka takit wei wow thung leh ka Panel wow em da uwi u Judge ka Supreme Court wa ar ngut ki Chief Justice ki High Court.

Hadien ini, uwa chah pynbaad daw e laad ya oo wow ieh noh u yei kaam næ jied u wow hap chah bichaar.