Neidaw wa sih chiboon tylli ki Transformer dooh bordiñ khari khari ha kylleiñ ka jylla

Shillong: U Montri ka tnat bordiñ ka jylla u James K Sangma da pyntip u wa em hadooh 316 tylli ki Transformer kiwa da sih ha waroh kawi ka jylla wei ini toh i eh wa da wanrah ya i dooh bordiñ khari khari ha waroh ka jylla khamtam ki thaiñ nongkyndong.

Hawa jubab yeiwa kylli u MLA ka Mawlai u Process T Sawkmie ha yung dorbar ynne ka sngi, u James da ong u wa na kini kiwa sih, 70 tylli toh ha East Khasi, 18 tylli ha West Khasi hills, South West KHasi 16 tylli, 15 tylli ha Ri-Bhoi, 9 tylli ha East Jaiñtia, 23 ha West Jaiñtia, East Garo 18, West Garo 52, South West Garo 76, North Garo Hills 10, South Garo Hills 9 tylli.

Da ong u wa i sih yong ki toh neidaw wa dat u pyrkhat, i lait i phniang, i tooh bordiñ ki bru iwa da pynthut ya ki Transformer.

Da ong u leh wa ka jylla em ko 3 tylli ki thaw chna pynmiat næ ki Workshop tangwa em i eh wow pynmiat ya ki neidaw wa da boon ware kiwa sih.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Da ong u wow paitsiar yei chah tooh ka bordiñ, ka sorkar da chna ko ya ka Village Energy Committee wa da khlieh da u Waheh Chnong wa emlang ki dkhot na ka MePDCL nalor ki manbei ka chnong wa ki dkhot ka Executive Committee ka chnong.