Jowai : Ka seiñ West Jaiñtia National Council ha ka khubor wa da pyllait da u Publicity Secretary u ma Hoping Phawa da ong wa ka seiñ da chem ko yei kreh khaler wa i wym chimkhia ka tnat PHE haka chnong Thadmukoh, West Jaiñtia Hills hadien wa ujor naki wa chong chnong wa ym yoh um ki hadooh katni kattu la le snem lynter neiidaw wa chna ya u sarok NH37 Nangbah – Nartiang – Khanduli Road wa lai lyngba kani ka chnong wa ki pipe wow saam um baam um dih da dooh noh neidaw wa em kiwa da sih wei da chah tooh ki.
Heiyatoh weini ka seiñ kwah ko’u kylli yaka tnat PHE wa jooh kyruiñ ko mo ym em cha ki thaiñ nongkyndong kiwa em hok u yoh umbaam umdih? Wei yi myntoi u booh ya ki pipe khlem ka um?
Heijooh i por ka seiñ sñiawkhia ko leh wym kreh hok ka tnat PHE khamtam haki thaiñ nongkyndong. Natlor wa dooh ya ki kaam pynroi nadong chadong sa ka umbaam umdih leh dooh ki. Hawa kyruiñ won cha u MLA ka thaiñ u ma S. Dhar, Minister PWD jooh khlai kular u du haki por Election yow e yaki kaam pynroi tangwa ym chimkhia won u yeini.
Neiliang ka seiñ da kyntu ko ya ki bor sorkar wow chimkhia yeini neibynta i bha i miat wow myntoi ki paidbah.
Discussion about this post