U Montri Rangbah ka jylla, u Conrad K Sangma da ong u wa da mih i wym ya sñiawsuk ha Lapangap toh ya ka 15% haroh ka thaw rep, heiwa da ong u wa ki Karbi wa ki nong Lapangap yajan bha ki.
Da ong u wa ka sorkar tip ko iyi wa jia ha katai ka thaaiñ, deiwa pynrap wa 85% ki thaw rep ym em iyi iyi i yakjia i, tangwa du 15% iwa em i pynsñiaw neiliang ka Assam wa Karbi Anglong iwa da pynman yei kaam wow kyllaiñ heiwa kiwa chong chnong ka Lapangap ym sñiawsuk ki wei neiliang ki ar jylla dang pyrchang ki wow thooh laad yow pynhunlang ya waroh arliang.
U Conrad da ong u leh wa dang ynne ka sngi da yaklam wa u Montri Rangbah ka Assam, u Himanta Biswa Sarma hajrong i long i man ha Lapangap, heiwa u Himanta da ong u wa daw yachem chwa ka 30 tarik, tangwa neidaw wa da em kiwi ki kaam wa dadep pynbait chwa wei lada ym ye u pynyklla de daw yachem noh hadien chitayaaw haroh.
Hawa kylli hajrong i leh tre khlieh da ka Karbi Anglong Autonomous Council (KAAC), da ong u wa heipor wa joor bha ka kynrum kynram, da Phone hi u ya u CEM ka KAAC wei kamjooh ya u MLA ki Karbi wow yaklam hajrong ini yow ya pynbiat noh, heiwa da pynsñiaw leh yei kyrmen wow ya pynbait noh.
Discussion about this post