Ka HYC-Central Executive Council da beiñ joor ko ya i leh uwi u pulit wa sap rong yong uwa kah dur, uwa pakhot da u Stun Grenade ha iwi na ki dukan yong kawi ka manbei.
Katkam i yoo lyngba ki Video wa poor da pynyoo wa uni u pulit da pakhot u ya u Stun Grenade hapoh ini i dukan wa em ha Parking Lot mar pyrchah yong ka SBI Main Branch ynne ka sngi heipor wa dang yaleh ki pulit wa ki dkhot ka HITO.
Ka seiñ da ong ko wa ini i leh uni u pulit yoo la kamwa em i thmu wow chim yei mynsien yong kiwa em hapoh dukan kiwa kynthup ya ki tre dukan wa ya kiwa wan baam. Da ong leh wa embhah wa ini i dukan ym em pynemkaam da ki kum LPG.
Neiliang ka seiñ da dawa ko wow pynchitom ya uni u pulit wa ya ki sahep ki wym ye u pait ya ki pulit yong ki hi deiwa pynrap wa hawa pakhot Tear Gas næ kiwon kiwon kam kini ki jait toh deiwa antaad du wow pynpra ya ki paidbah ym wow lai cha ki dukan samen deiwa ong leh wa ka sorkar toh u takit ko ya ini iwa jia waroh.
Da dawa leh na ki bor pulit wa ki bor synchaar District wow pynche neiyi yoh bor ki pulit wow pakhot bomb hapoh i dukan.
Ka HYC da ong ko leh wa ka sorkar toh u su bai lutsan wut-wut ya ki tre dukan wa kamjooh leh e bai dawai ya kiwa mynsoo ha ini i dukan.
Discussion about this post