15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Noh ka sorkar MDA yei naam wa bha ka jylla cha dooid: Dr. Mukul

0 Comments
Advertisement ad1
Advertisement ad1

Shillong: Uwa yahkhmat ka liang pyrchah ha yung dorbar, u Dr. Mukul Sangma ynne ka sngi da beiñ joor u yaka sorkar Meghalaya Democratic Alliance (MDA) ka wym pu ye u pynlai ya ka synchaar khadar wei da ong u ym pu chaniah u ya kani ka sorkar la kammon kammon leh.

“I kreh chitom yong ka sorkar warim wow pynpaw yei naam wa bha ka jylla, da lai lut ko cha dooid ha kani ka sorkar ka wym ye u pynlai yaka synchaar, tangwa da jia ma jia iyi iyi kawa hakhmat dooh wa kani ka sorkar da leh ko toh wow pynkrehkaam da ka Curfew”, da ong u Dr. Mukul hawa klam cha ki laad pathai khubor ynne ka sngi.

Da ong u wa ka Congress ym chaniah ko yei takit Magisterial Enquiry hajrong i jia ha Ichamati wei da dawa wa toh u thung da ka takit kawa khlan wa kawa laitlooid.

Ha i jooh i por, da ong u wa ka Congress daw rah ko ha yung dorbar wa toh u chim da ka rai næ Resolution wow pyrchah ya ka Citizenship Amendment Act (CAA) 2019.

“I long i man ha ka jylla da pynman ko ya ki paidbah wow sñiawkhia hajrong i jia wa da mih na i rukom leh kani ka sorkar, kawa wanrah leh yei sñiaw kulmar neibhah wa ki paidbah ym sñiawthooh sñiawthaw ki ya i rukom pynlai”, da ong u Dr. Mukul.

Da ong u wa ha kini ki snem wa da dep, ka sorkar warim ka dang pynlai ko ya ki kaam hawa mih kam ini i jia wei neini i daw, da tip ya i naam wa bha ka Meghalaya tangwa ha kini ki ar snem tam, waroh ki lehbha ka sorkar, da lai lut cha dooid neibhah wym hoi ka sorkar wow pynlai.

Da ong u wa ka kaam uiñ suwari ha ka jylla da chah ktah ko, ki thaw sah kiwa uiñke leh da man ki kiwa thylli wei i long i man da ktah ko yaka kamai kajih ki paidbah.

“I da dep maham i ya ka sorkar man i por ya iwon iwon i jia, wei i jia dang ini wa dep da pynyoo ko wa ym em mano kani ka sorkar wei katni da wanrah ya ini i jia kawa i beiñ joor i ya iwa jia ha Ichamati”, da ong u.

Da beiñ u leh yei pynsangeh ya ka Internet kawa da pyndooh laad ya ki paidbah wow pyndep ya ki kaam wa boon jait.

“I pynsangeh ya ka Internet wa i wym ye wow pynneh ya ka chongsuk da pynman ko ya ki paidbah wow chah ktah joor. Ki bru ym tip ki katwon kynta ka Curfew, katwon kynta wa da pyndam hadooh ynnin ka sngi leh ki bru ym tip ki. Da pyndam Curfew nadooh 12 waje i sngi tangwa da pynbna won hadooh 1:30 i sngi, ini da wanrah yei eh ya ki paidbah”, da ong u Dr. Mukul.

Share this:
Previous

Wan ki 110 ngut ki pulit ka RAF ha Shillong; ood kiwa dai madan

Next

Da pyndooh yei khang dai kiad hapoh East Khasi Hills District