Ka Meghalaya Public Service Commission (MPSC) da pyntip ko wa neidaw wa da yoh boon ki dawa na kiwa boon wow pynmih paidbah ya ki Marks kiwa yaleh ya ka Meghalaya Civil Services (Preliminary) Exam, kamtæ neiliang ka MPSC da rai wow leh kyrpang yeini chisien donhi.
Tangwa ka Commission u leh ko yeini deiwa paan bor na kitu kiwa yaleh MCS chwa wow pynlait paidbah ya ki Marks ki.
Kamtæ da pyntip cha kitu kiwa yaleh MCS wa kiwa kwah wow pynyoo paidbah ya ki Marks ki ye ki wow lai pyndap ya ka Online Form deiwa lai ha https://forms.gle/9YWpc2Y4uoZ8q8vS7.
Kani ka Link u krehkaam ko nadooh ka 7 tarik (12:00 waje pyrdi sngi) hadooh ka 16 tarik uni u bnai hadooh 5:00 waje i janmiet.
Kitu ki wym kwah u pynyoo paidbah yei Marks ye ki wow jied ‘NO’ wei ym pynmih paidbah yei Marks ki.
Heijooh i por da pyntip wa kitu ki wym kwah wow pynmih paidbah yei Marks ki ye ki wow pait yei Marks yong ki lyngba ka OTP Based System kam chibynta wow yada yei hok samen yong ki.
Hadien wa kut ini ini i por ym pdiang de ya kiwa kwah u leh yeini.
Discussion about this post