Paan kaiphod u montri na ka MBoSE wa habra i chon ya ki kot puræ

Shillong: U Montri ka tnat puræ puthi ka jylla u Lahkmen Rymbui da paan u ya ka kaiphod na ka tnat Meghalaya Board of School Education (MBoSE) hajrong i kulmar i chon ya ki kot puræ yong ki khynnah skur.

Hawa klam wa kiwa pathai khubor ynne ka sngi da ong u wa da sñiaw phylla u yeiwa bakla u chon ya ki kot iwa ye u yah bakla ya ki khynnah wa kawa ye u ktah leh ya ka mynried yong ki.

Da ong u wa neiliang yong oo, kam u montri daw pait bniah bha u ya kani ka kaam heiwa da paan u ya ka kaiphod na ka MBoSE hajrong iwa mih khubor yei wym biang i rukom thoh ha ki kot puræ deiwa chon deiwa bakla.

Katkam ka yutip, ka kot Social Science wa ka kot Mathematic yong ki Class ha ka Secondary Level em chiboon i duna wei i thkoh hei rukom thoh wa i chon bakla.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Rap nachwa, neiliang ka HYC wa ka KSU dadep  thoh ko cha ka MBoSE heiwa da dawa wow sangeh wow hikai ya kini ki kot ha ki skur wei emkaam wow pynbait chwa neibhah wa yah bakla ko ya ki khynnah.

Da ong u wa kam u montri i angnood yong oo toh wow pyntikna neini chakhmat ym man de kam ini i bakla wei kani toh ka sien wa nyngkong wa kawa khaddooh.

Da pyntip u leh wa ka sorkar daw thung noh ko ya u Executive Chairman uwa pura yong ka MBoSE khnang wow pynkhlan ya i rukom krehkaam yong ka.

Also Read: Yachem ka KSU ya ka MBoSE wow pyndam ya ka kot Social Science ka Class IX