Ka mukotduma PIL wa da yaleh da u (L) Kynjaimon Amse pyrchah ya ka National Highways Authority of India (NHAI) heiyatoh wa u sarok NH-6 nadooh na Jowai Bypass hadooh Malidor da chong bichaar biang ha ka 17 tarik uni u bnai.
Hadien wa pynmih hukum ha ka 9 tarik uni u bnai heiyatoh wa i jubab wa da e ka NHAI wa yahbakla deiwa kam wa ya u sarok da chna bha tangwa hadien wa lai pait u S. Panthi uwa man kam u Amicus Curiae da chem wa u sarok toh uwa dang sih wei da phah wan leh dei bru ya u Anand Singh Chauhan, Project Director, NHAI, neiliang u muktiar ka NHAI da paan map u wei da paan bor u wow pyndam ya ka jubab wa da e lyngba ka Affidavit wei wow jubab deiwi won.
Hawa e jubab thymme lyngba ka Affidavit, neiliang u Anand Sing Chauhan da paan maap u yeiwa khana dei wym toh iwa sakhiat hadooh wa ki dur ki dar wa da soohlang ha itu i por wa pynyoo yei kreh.
U Amicus Curiae da pyntip u wa i kreh toh iwa da sdang deiwa thung sa u Contractor wa le najrong ki ar ngut ki Contractor wa dadep thung chwa.
Ka High Court da phah ko ya u muktiar ka NHAI wow wanrah hakhmat ka yung bichaar yei jait kreh wa da e cha kini ki le Contractor heiwa daw bichaar lada ymtoh wow pynchitom lada u Contractor ym leh u yei kaam.
Ha ka Affidavit da em leh ki dur ki moo wa heh kiwa em ha sarok, kamtæ da phah ya ka NHAI wow leh smat ko wow kær yow lait u jia iwon iwon iwa sñiawsih.
Da e por leh ya u muktiar ka NHAI hadooh ka 14 tarik u May 2026 wow e ya ka Status Report wa thymme.
Ka High Court da ong ko wa lada u pyndam u pynchitom ya kitu ki wym bood ya ka hukum (Contempt Proceeding) wei daw pyrkhat ki heipor wa biang wei u Anand Singh Chauhan hap u wow em ha man ka tarik wa chong bichaar kat wym emkaam de oo.
Discussion about this post