Paan yarap u CM ka MP na u Conrad wow yarap thooh ya ki chi jur wa dang dep bia kiwa wiar ha thaaiñ Sohra

U Chief Minister ka Madhya Pradesh, u Dr. Mohan Yadav da paan yarap u na u Chief Minister ka Meghalaya, u Conrad Sangma wow thooh ya ki chi jur kiwa na Indore, u Raja wa ka Sonam Raghuvanshi kiwa da wiar ha thaaiñ Sohra ka Meghalaya.

U Dr. Mohan da ong u wa man iwa sñiawkhia wa ki chi jur kiwa dang dep bia wot, u Raja wa ka Sonam da wiar ki ha Sohra.

U Dr. Mohan da yaklam u wa u Conrad wow thooh smat ya ki heiwa u Conrad da kular u wa ki pulit ka jylla wa ki bor District da kreh ki wow thooh ya ki wei da paan yarap leh na ki bru paidbah.

Chooh chooh u Dr. Mohan da phah u ya ki sahep ka sorkar Madhya Pradesh wow krehlang wa ki bru sorkar ka Meghalaya hei wow thooh ya ki.

Related posts

Na ki 8 ngut wa mynsoo ha Thangskoo kiwa chah sumaar ha NEIGRIHMS em kiwa em hapoh CCU wa ICU

February 7, 2026

Pynlait paidbah ka Frank Motors ya ka Tata Sierra 2.0 yow pynim biang ya kani ka kari wa bna naam  

February 7, 2026

Da kyrmen skem u leh wa u Raja wa ka Sonam u poi yung ki deiwa suk wei u yaleh wow pyntikna wa wansuk ki cha yung.

Katkam ka khubor na ki pulit ka Meghalaya, i thooh ya ki dang pteiñ i wei da kyrpaad ya ki bor chnong wow krehlang wa ki pulit kamjooh ki Home Guard kiwa da em ha kylleiñ kini ki thaw.