Uwi u khynroo na Gujarat wa lai puræ cha Russia ha kini ki sngi wa dadep da pynlait u yei Video wa kam u wa chah pynbor u wow kreh wa ki chipai ka Russia ha ka thma pyrchah ya ka Ukraine wei ini i Video da poor bha i katni ha Social Media.
Uni u khynroo wa tip kam u Sahil Mohammad Hussain, ha i Video da khana u wa da kit ya oo cha Ukraine hadien wa chah kem u.
Ha i Video da kyrpaad u ya ka sorkar India wow yarap ya oo neibhah wa da chah thok u.
Chooh chooh da kam u wa ki pulit ka Russia da phareb ki oo ha ki kaam drugs wei da kular ki wow pynlait oo manda psiah kreh u wa ki chipai ka Russia.
Ha i Video da kyrpaad u ya u President Vladimir Putin ka Russia uwa dang wan wot na India wow yaklam wow pynlait noh ya oo.
U Hussain da khana u leh wa mar ya poi u ha madan thma da pyndem u haphrang ki chipai ka Ukraine deiwa phah leh ya ini i Video cha ka bei u kawa em ha Gujarat.
Neiliang ka bei u, da ujor mukotduma ko ha Delhi wow pynuiñ ya oo deiwa suk.
Discussion about this post