Ki seiñ kiwa khih wei khayi mooyong kiwa na kylleiñ ki District ka jylla Meghalaya, da yachem ki ynne ka sngi ha Shillong Club hapoh ka satri ka State Co-Ordination Committee of Coal Owners, Miners, Exporters, Transportations & Dealers Forum (SCCCOMETDF) heiwa neiliang ka seiñ kawa na Jaiñtia Hills, ka Jaiñtia Coal Miners & Dealers Association (JCMDA) leh da emlang ko.
Ka JCMDA da tyrwa ko leh da ka Mining Plan wa tip kam ka Small Scientific Underground Coal Mining yow ye biang u khih mooyong deiwa burom ya kiwa kreh, ka mariang deiwa yoh myntoi da waroh.
Da ong leh wa ya kani ka Mining Plan daw lai rah cha u Montri Rangbah ka jylla yow pyrkhat u neibynta i.
Hajrong ini da khut leh ya kiwi ki seiñ wow wan ya krehlang ki hapoh ka Forum neibhah ka thong man ko kawi donhi.
Neiliang u President ka Forum, u Sonny Khyriem da ong u wa ya ka Forum da seiñ nadooh u snem 2006 wei toh kawa dadep wow yaleh mukotduma ha Supreme Court wa ha ka NGT.
Kamtæ da yooluti wa ha kani ka kynti hadien wa yachem wa u Montri Rangbah daw man ko kawa mihsoh wei kawa daw myntoilang ya waroh.
Discussion about this post