Ka Tawang Marathon Promotional Run, kawa da pynman ynne ka sngi ha nongbah Shillong, da sakhi ya i wan chimbynta da palat 120 ngut na ka jylla wow phet pyllah ha kani kani ka yakob kawa jrong 5 Km.
Ya ini da pynlai da ka sorkar Arunachal Pradesh wa ki chipai ka Indian Army, wei da pynman deiwa krehlang waka CYRUNS, kawa da yaroh ya kiwa chimbynta hajrong i rukom pynlai wei pynbiang ya i emkaam waroh.
Kani ka yakob phet pyllah toh wow pyntip paidbah wow pynchlur ya ki wow wan chimbynta ha ka Tawang Marathon, ka wow man ha ka 1 Naichiphaw uni u snem, wei wow ktik mynsien ya kiwa boon wow lai chimbynta wow pynyoo pyrthai ya i sap phet ka wow pynman ha Tawang, Arunachal Pradesh.
Ya kani da pynman deiwa ya krehlang waka Run Meghalaya Association ryngkat kiwa kitkaam yong ka hapoh i yahkhmat u Kit Suting, ka Dr. Carolyne Lyngdoh, u Gerald Pde, u Badonsing Tham waka Darishisha deilang i kyrchaan lang u Rangbah Chnong ka Laitumkhrah, ka chnat pulit wa ka DC, ka East Khasi Hills.
Da sakhi yei ka’it mynsien na kiwa chimbynta heiwa da pynsñiaw ki leh yei angnood yong ki wow lai chimbynta ha ka yakob wow man ka Tawang.
U Brigadier R. Kapoor, Indian Army uwa man leh u kongsan ha kani ka sngi, da kaweh u ya ka lama sdang yong kani ka yakob.
Neibynta ki yutip wa rap bniah, wow chimbynta ha ka yakob ha Tawang Marathon ye ki u Phone ha u Number- 6351580588.
Discussion about this post