U Montri Rangbah ka jylla, u Conrad Sangma da lai u cha St. Peter’s Square, Vatican yow embynta ha ka leh niam wa khaddooh ya u Pope Francis ynne ka sngi.
U Conrad da ong wa ka lehniam man ko kawa chongkun wei kawa kyntang kawa man leh i kynmoo tympang ya ki kaam wa kyntang wa da pynkit da u Blai ha u Pope yow chakri ya waroh ki jaitbru.
Da ong u leh wa u Pope Francis man sakhiat u utæ uwa em yei mynsien uwa chare langbrot uwa man kam u lok kiwa da chah ieh mylliñ, i sur yong kitu ki wym em sur wei uwa yahkhmat deiwa emburom wei jem mynsien.
Chooh chooh da ong u wa da sñiawngooh u wow yoh u yachem wa u Pope ha Vatican ha u snem 2022 wei da man i iwa sahkynmoo hadooh kattæ kattæ wow yoh u yoo dei khmat yei mynsien wei leh khian u.
“Nga da rahlang O ya i sñiawlem wei i duwai yong kiwa chong chnong ka Meghalaya,” da ong u Conrad.
Yei met wa dang sah u Pope da booh ha Basilica of St. Mary Major wei da wan wow sakhi ya kani ka lehniam da 2,50,000 ngut ki bru nadooh ki heh ri heiwa na India da em leh ka President ka ri ka Droupadi Murmu wa u Kiren Rijiu uwa man kam u MP ka Arunachal Pradesh kamjooh u Montri ka sorkar pyrdi.
Discussion about this post