Jowai: Ynnin ka 10 tarik ki dkhot yong ka West Jaiñtia Hills Mahila Congress Committee ryngkat wa i emlang ka President ka Meghalaya Pradesh Mahila Congress Commitee ka Joplin Shylla da pynskem ko ya kiwa kitkaam ka 1-Nartiang Block Mahila Congress Committee.
Ha kani ka sngi da jied ya ka A. Marboh kam ka President, ka Deimonmi Rymbai kam ka Secretary, kamjooh leh da pynskem ya ki Dkhot yong kani ka Committee.
Ya ini i pynskem da leh ka president ka MPMCC heiwa da wan sakhi da palat 500 ngut ki manbei na soodong ka Constituency.
Ya ka yalang da pyllai da ka Perina Shylla kawa man leh kam ka President ka Mahila Congress Committee, West Jaiñtia Hills District.
Hei klam ka President MPMCC da pynkynmoo ko ya ki por nachwa nadooh ki por wa sdang seiñ yaka Congress nadooh ki por yaleh laitlooid heiwa da ong ko leh wa ka Congress maya bha ko ya ka ri wa ka jylla Meghalaya.
Ha ini i pynskem da emlang leh u President ka MPCC 1-Nartiang Block u A.F. Kon wa u MDC yong ka Ummulong u Laitsing Shylla wa kiwi kiwi ki waheh na ka Constituency.
Discussion about this post