Ka dhab ki montri ka sorkar pyrdi namo ka Union Cabinet, wa da chongknor da u montri rangbahdooh ka ri, u Narendra Modi da pdiang ko yei tyrwa ka Ministry of Women and Child Development wow pynkylla ya ka Juvenile Justice (Care and Protection of Children) Act, 2015 deiwa pynkhlan ya ki kyndon wow yada ya ki khynnah namo Child Protection.
I pynkylla kynthup i wow ebor ya ki District Magistrate wa Additional District Magistrate wow e hukum heiyatoh wa i kam-khon (adoption) hapoh ka kyndon Section 61 yong kani ka aiñ wei wow pyndep smat ya ki mukotduma.
Ki District Magistrates daw yohbor ki hapoh ka aiñ wow pyntikna yei kreh wa khlem thut neibynta i bha i miat ki khynnah.
Da rai leh wow klam che hajrong i thung ya ki dkhot ka CWC, wei wow kynthup ya kiwi ki kaam pyrchah aiñ kiwa ym pu jooh em hapoh ki ‘Serious Offence’ namo i thombor wa joor wa kiwi kiwi.
Chooh chooh da yaklam leh hajrong i eh i khoo hei wow pynkrehkaam ya ki kyndon kani ka aiñ.