Uwa yahkhmat ka seiñ BJP ha Meghalaya, u Ernest Mawrie da pdiang sñiawbha u ya ka khubor wa pyntip neiliang ka seiñ kieñ tiar ka ri-loom Khasi-Jaiñtia ka Hynniewtrep National Liberation Council (HNLC) wa da smat ko wow wan noh cha ka miej wow yaklam yasuk wa ka sorkar.
Hawa klam wa ki laad pathai khubor, neiliang u Ernest Mawrie da sñiaw u wow ong wa i por leh da ih bha ya ka Party wow yahkhmat yow pynlai chakhmat ya ini i kaam khnang wow ye u wanrah biang ya ka chongsuk chongsaaiñ ha ka jylla wa ha ka thaaiñ hi waroh kawi.
Kam wow pynkynmoo wa ka HNLC ynne ka sngi da phah khubor tyrwa yaklam yasuk ko khlem da booh kyndon chwa wei da phah leh ya ka sorkar wow thung ko ya u ksiang wow yarap yaklam yasuk hapyrdi ki arliang.
