15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pep noh u CEM warim ka KHADC wow wan cha ka dorbar nadooh wa chah knieh chuki

0 Comments

Shillong: U Chief Executive Member (CEM) warim ka Khasi Hills Autonomous District Council (KHADC) uwa man u MDC ka Mawsynram, u Pynshngain N Syiem nadooh wa da chah knieh noh ka chuki CEM ha ha 10 Naiynñiaw uni u snem ymem poi de u cha ka dorbar ka KHADC, hanlada ki phang ka Executive Committee yong ka KHDA wa da rah ha ka dorbar toh neibynta wow yada ya ka jaitbru.

U Pynshngian da chah knieh noh ya ka chuki CEM hadien wa da dooh chaniah na ki MDC wa yakrehlang ha ka Executive Committee ka Peoples’ Democratic Alliance (PDA) kawa da pynmih leh ya ki huri hura ha KHADC ha ki bnai wa dadep.

Ini i pep u Pynshngain ha ki dorbar ka KHADC hadien wa ym em de man u kam u CEM ymtoh de du ha kani ka kynti, tangwa i tynjooh bor biang neibynta ka chuki CEM ha ka dorbar kyrpang ha u Naiynñiaw wa ha ka dorbar liyur yong ka Council.

Kam wow kdaw heini u PN Syiem man u samen uwa dang chong ha ka liang pyrchah ha ka dorbar KHADC neibhah soo ngut ki MDC ka PDF ha kani ka tayaw da mih noh ki na ka party katwa ki san ngut kiwi won dang pteiñ dang man ki yong ka party PDF em ki cha ka liang ka Executive Committee ka Khasi Hills Democratic Alliance (KHDA) wa yahkhmat da ka NPP hapoh i yahkhmat u HS Shylla kam u CEM.

U Pynshngain uwa man leh uwa seiñ ya ka Peoples’ Democratic Front (PDF) ha ki por wa dang man u kam u CEM ka KHADC wei chwa ka election MLA 2018, man u uwa da kam bha wa maya jaitbru u wei ya ka PDF da seiñ ya ka hajrong ka yurim wow yakhun yei eh i khoo ka jaitbru, tangwa hawa wanrah ya ki Bill kiwa neibynta ka jaitbru ym em won wan u cha ka dorbar ka KHADC wow yañia namo e yumut hajrong ki aiñ wada wanrah.

Previous
Next

0 Comments

Leave a Reply