Ka Voice of the People Party (VPP) ynne da lai e chithi ko cha u Montri Rangbah ka jylla, u Conrad K Sangma yow kyntu ya ka sorkar wow pynman ya ka dorbar wa kyrpang namo ka Special Assembly Session yow e laad ya ki MLA wow yaklam wow yatai hajrong ka Roster System waka Reservation Policy.
Neidaw wa u Conrad ym em u, neiliang u MLA ka VPP, u Brighstarwell Marbaniang wa u General Secrtary ka VPP, u Dr. Ricky Syngkon da e kti ki ya kani ka chithi ha ka yung krehkaam u Montri Rangbah ha Secretariat.
Neiliang ka VPP da ong ko wa ini i kaam wa yatoh waka Roster System waka Reservation Policy neibynta i bhah kreh toh iwa da emkaam bha wow yaklam yatai yow poi chei ye wow ya pynbait noh ya ini i kaam.
Da kdaw leh ya ka hukum wa pynmih ka High Court ha ka 3 tarik uni u bnai heiwa da ong ko wa kini ki kaam wa yatoh wa i synchaar paidbah bha u ieh ha ka sorkar wow pynbait wei wow chim ya ka yurim wa skem wei lada em kiwa chong chnong kiwa chah ktah da ini, ye ki wow pynsñiaw katkam ka aiñ.
Puræ leh: Roster System: U yang ka HC hadooh wa chim rai ka sorkar yei rukom pynkrehkaam
