Shillong: Ka sorkar jylla da phah ko cha u Lat ka jylla u T. Roy neibynta wow dawa pynkrehkaam noh yaka synchaar Administrator Rule ha Khasi Hills Autonomous District Council (KHADC) neidaw wa mih i huri hura ka saiñ hima sima kawa da wanrah ya i wym skem ka synchaar ka khadar.
U symbood montri rangbah ka jylla u Prestone Tynsong da pyntip u wa ynne ka sngi i long i man ha Khasi Hills Autonomous District Council (KHADC) da rap phær ko neibhah wa waroh ar liang ki em ki i jooh i boon bru wei na ini i daw, ka sorkar ym yohsa ko wow pynemkaam ya i synchaar Administrator hadooh wa wan biang i jai jai.
Kam wow pynkynmoo wa ka United Democratic Alliance (UDA) kawa yahkhmat da u Teinwell Dkhar wa kynthup ya ka UDP, NPP, HSPDP wa MDC samen da em ki 14 ngut ki MDC katwa ka United Democratic Forum kawa yah da u Latiplang Kharkongor leh em ki 14 ngut ki MDC lait noh u Chairman u Pynshngain N Syiem uwa da emlang cha kani ka kynhun.
Hadooh wa thoh ya kani ka khubor, ym pu yoh yutip wa ka yung krehkaam u Lat ka jylla da pynmih ki ya kawon kawon ka hukum neidaw wa u Lat em u cha baar ka jylla.
Discussion about this post