15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Yoh CEM thymme ka KHADC da u Latiplang deiwa khlem wan thap Vote kiwa kyrchaan u Teinwell

0 Comments
Advertisement ad1

Shillong: U MDC samen na Nongthymmai u Latiplang Kharkongor uwa na ka United Democratic Forum (UDF) da chah jied u kam u Chief Executive Member (CEM) wa thymme ka Khasi Hills Autonomous District Council (KHADC) neidaw wa u kyrtong wa thmu wow yakhun u Teinwell Dkhar da randien u ha i por wa khaddooh wei kiwa kyrchaan ya oo ym em wan ki cha ka dorbar ynne ka sngi neidaw wa ki sñiaw ki wa ym em yumut wow lai dorbar hawa u Chairman næ u Lamphang da yachah liang chwa u hawa da em kam kani ka pynyoo bor.

U Lamphang ha yung dorbar chna aiñ ka KHADC u Pynshngianlang Syiem da pynbna u hapoh ka yung dorbar wa ha ka thap Vote wow jied ya u CEM wa thymme u Latiplang Kharkongor da yoh u 15 Vote katwa u Teinwell Dkhar da yoh u nod. U Latiplang na ka UDF da yoh kyrchaan u na ka Congress 9 ngut, NPP 3 ngut wa u Chairman, PDF 1 wa naka MDC samen ka Grace Mary Kharpuri.

Katwa ka United Democratic Alliance (UDA) u Teinwell Dkhar wa em 14 ngut wa kynthup ka UDP 7, NPP 4, HSPDP 2, wa u MDC samen u Lambor Malngiang.

Na ki 29 ngut ki dkhot ka yung dorbar, kiwa wan poi wow thap Vote toh 15 ngut, wei kiwa pep toh 14 ngut, iwa mut lada ym Vote u Chairman, da em biang mar 14 Vote.

U Latiplang da man u u CEM wa 41 yong ka yung dorbar yong ka KHADC wei da man ko ka sien wa nyngkong wa u MDC samen wa chah jied kam u CEM yong ka KHADC.

Hawa klam hadien wa chah jied ha yung dorbar, u Latiplang da ong wa du neidaw wa dooh bor ki da lai paan ki yaka Administrator Rule. Da ong u wa hapoh ka yung dorbar katkam ki aiñ ki rule yong ka Sixth Schedule, ym ye ki wow leh wow lait neini.

Katwa u Pynshngain N Syiem u Lamphang da ong u wa man ko ka sien wa nyngkong ha KHADC wow jop emburom u Latiplang wow tam 15 Vote.  

Kiwi kiwa klam toh u Deputy Chairman u Alvin K Sawkmie, u Lamphrang Blah, u RV Lyngdoh wa kiwi.

Advertisement ad1

0 Comments

Leave a Reply