Phah ka sorkar yaka JHADC wa KHADC wow pyndep smat u phiah ya ki Constituency

U Symbood Montri Rangbah ka jylla wa pait yaka chnat District Council Affairs (DCA), u Prestone Tynsong ynne ka sngi da pyntip u wa ka sorkar jylla da phah ko ya ki Autonomous District Council (ADC) ha Khasi wa Jaiñtia Hills wow pyndep noh ki yei phiah thymme ya ki Constituency rap smat katwa ye ki.

Hawa yaklam wa ki laad pathai khubor, u Prestone da ong u wa dang ini wa dep, u Lat ka jylla da thung u ya ki Delimitation Committee yong ki artylli ki ADC kitæ ka KHADC wa JHADC, wei katni kini ki Committee da kai ki chaait chaait wow pynbait ryntih ya ki Constituency.

Da ong u wa neiliang ka sorkar jylla da phah ko leh wow pynsmat ki wut-wut khnang wa ya ka Election MDC wow wan daw pynman noh neibynta ki Constituency thymme ymtoh dei ya kiwa rim.

U Symbood Montri Rangbah da ong u leh wa ini i phiah Constituency ym mut wa ki Seat yong ki artylli ki ADC u nang boon neibhah kani ka kaam toh ka kaam wa hap leh katkam ka riti synchaar.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa ya katni ki artylli ki ADC da kwah ki wow pynbait thymme neibhah em ki Constituency kiwa heh palat yaka MLA Constituency wei ka sorkar da kyntu joor ko leh wow pyndep noh rap smat yei kaam katwa ye ki.