15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Phah pyndam noh ka sorkar wow pynman thaw leh Quarantine ya ki skur, nadooh ka 21 tarik kiwa sikai da ye ki wow lai skur

Advertisement ad1

Shillong: Ka sorkar ynne ka sngi da rai ko wow phah kyrriah noh ya ki Quarantine Centre wa da pynemkaam ha ki skur ha chwa ka 15 tarik uni u bnai. Ini i rai yong ka sorkar toh hadien wa ka sorkar pyrdi lyngba ka Ministry of Home Affairs da phah ko ya kiwa sikai wa da ye ki wow lai cha ki skur nadooh ka 21 tarik wow yarap ya ki khynnah kiwa emkaam, hanla i khang ya ki skur dang pteiñ i hadooh ka 30 tarik uni u bnai.

U Lahkmen Rymbui uwa man leh u montri wa pait yaka puræ puthi ha ka jylla, ynne ka sngi da pyntip u wa ka chnat da dep ko wow yaklam leh wa waroh 11 ngut ki Deputy Commissioner wow pynlait noh ya ki thaw puræ nei pynman Quarantine Centre, khnang wa kiwa sikai u ye ki wow sdang krehkaam noh nadooh ka 21 tarik.

“Hanla ka sorkar pyrdi ym pu chah ko wow wai ya ki thaw puræ, tangwa ki khynnah kiwa emkaam yarap na kiwa sikai ye ki wow lai cha skur nadooh ka 21 tarik,” da ong u.

Ha i jooh i por u Montri da ong u leh wa hadien ka 21 tarik ka chnat da phah ko wow pynbait thymme ya ki Syllabus wei ha iwon i rukom u pynman ya ki Exam khnang wa kiwa sikai ye ki wow pyntip ya ki khynnah skur.

Da ong u leh wa ka sorkar daw hap ko wow bichaar bniah biang ya ki lynnong (Syllabus), neibhah kamwa man, ym em poi pyrkhat wow hap khang ya ki skur hadooh kattæ, wei hajrong ini yow pynstiñ ya ki khynnah, ka sorkar daw hap ko wow khate kamwa 30% ki lynnong, wei ya ini i rai yong ka sorkar daw pyntip noh cha ki thaw puræ hadien ka 21 tarik u Naichiphaw.

“Ki khynnah puræ nadooh Class IX hadooh Class XII ye ki wow lai mih cha ki thaw puræ yow yoh yutip kammon wow pynkhreh ya ki Syllabus neibynta ka Exam,” da ong u Rymbui.

Share this:
Previous

Nadooh 7 hadooh 16 tarik u Naichiphaw ka Exam Final Semester, 31 tarik ka Result, paan ka sorkar naka UGC

Next

Chah kem ki 5 ngut wa dat ya uwi ha Shillong