Katkam ka hukum wa da pynmih da ka Ministry of Home Affairs ka sorkar India ha ka 25 tarik uni u bnai, da pyntip wa da pyndam ya waroh ki Visa kiwa da e cha ki Pakistani chisiendon lait noh ki kattu katni.
Waroh ki jait Visa lait noh ki Medical Visa, ki Long Term Visa wa ki Diplomatic & Official Visa wa da e da ka sorkar India cha ki nong Pakistan, da man ki kiwa da pyndam deiwa kheiñ nadooh ka 27-04-25. Ki Medical Visa won u man ki kiwa krehkaam hadooh ka 29-04-25 wei ym e Visa thymme de heiyatoh wa kini.
Kani ka hukum u pynlait ko du ya kitu kiwa em ya ka Long Term Visa (LTV) wa ki Diplomatic & Official Visa wa da e cha ki Pakistani.
Heiyatoh wa ini, neiliang u SP ka East Jaiñtia Hills leh da pyntip u wa waroh ki Pakistani wa em hapoh ka District wa hap ki wow mih noh chwa kitai ki tarik wa da kdaw haneiñ kiwa kyntup nadooh kiwa yoh ya ka SAARC Visa, Visa on Arrival, Business, Film, Journalist, Transit, Medical, Conference, Mountaineering, Student, Visitor Visa, Group Tourist Visa, Pilgrim Visa wa ki Group Pilgrim Visa kiwa da e cha ki khian paaid ka Pakistan.
U SP ka Ri-Bhoi leh da pynmih u ya ka jooh ka hukum wa kiwa em ya kini ki Visa wa toh u mih ki chwa wow kut ka tarik wa da kdaw ha ka hukum ka Ministry of Home Affairs.
Wei lada em kiwa tip yeiwa em ki Pakistani hapoh ka District ye ki wow pyntip cha ka Police Control Room deiwa Phone ha u 112.
Ya kitu ki wym mih napoh India daw chah pynchitom ki katkam ka aiñ.
Discussion about this post