Phooh phieñ ka yachemlang ka Seiñ Kur Pale

Ka Seiñ Kur Pale ha 5 tarik uni u bnai da yoh ko wow pynman ya ka yachemlang namo ka General Meeting ha ka chnong Wahiajer, West Jaiñtia Hills heiwa da yoh wow pyndep ya ki kaam waphær waphær yong ka kur, ha ryngkat i sneiñ i kroo na ki waheh kur wei ya ka yalang da pynlai da u Vice President, u Yoisingh Pale, wei da yoh leh yei duwai hawa sdang ka yalang da u Rev. H.L. Pale deiwa pynhær leh ya ka lama kur da u Chot Pale.

Kiwi de kiwa klam ha kani ka sngi toh u Widarlan Pale, u Phomly Pale katwa ya ki ktien e khublei da yoh na u Jeming Pale.

Ha kani ka sngi neiliang ka kur da yoh ko wow pynkup burom ya ki khon ka kur kiwa da lehbha ha ka puræ puthi.

Neiliang u President ka seiñ kur, u Elnathan Pale da kyntu u ya ki kur wow man kiwa tipsngi, wow ri ya ka akor ka burom, u man kiwa yatylli kamjooh leh wow burom ya kiwa psa ya ka yung ka sem ka yong i, da kyntu u leh wa ha ka kur ymtoh wow kheiñ niam næ Politics, kamjooh leh wow kiar na ki dih pynmuaid wa boonjait.

Related posts

Lait kreh ha Captain Williamson Sangma State University

February 6, 2025

Phah ka HC ya u bru ko yow lai pait lada pynchna ya u sarok NH-6 kamwa da kam ka NHAI

February 6, 2025

Ha ka pynkup burom ya ki kur Pale ha ki kyrdan waphær waphær da emlang kam u Kongsan da u Wailadmiki Shylla, MLA wa Chairman ka MUDA uwa da e yei klam wow kyntu ya ka kur Pale wow man ki kiwa yatylli, kiwa ya maya wei da e u leh yei yaroh ya ki khon ka kur kiwa lehbha hei puræ puthi, kamjooh leh da ong u wa ka District Council daw pynman aiñ ko wow tipmit ya kiwa yahkhmat kur, kamjooh leh ka Seiñ Kur toh u em ko yei bahkhlieh leh ya ki khonswet khonrangli kammon wow pynku ya ki.

Da pynchongchit ya kani ka sngi da ki rwai wa i chaad na ki khon ka kur.

Kiwa chah pynkup burom man ki kamni:

U Rev H Pale, MA (Sociology) wa MPA (Master of Public Administration)

U Lasandamehi Pale, Bachelor of Physical Education

U Damanlangki Pale, MSC Mathematics

U Dr. Sunday Pale kam u General Secretary wa da chong-ngiah

Ka Vicky Pale, Founder ka Sunrise Adventist Secondary School Lumparin Khyndawso

Ka Rideiakor Pale, SSLC

U Sain Oo Dame Pale, SSLC

U Deinipaya Pale, HSSLC

Da pynkhle leh ya ka Lucky Draw wei ki Number wa pam man ki kamni:

1^st Prize- 04949, 2^nd Prize- 08472, 3^rd Prize- 07615,

Consolation Prize: 08512, 01794, 00282, 01650, 08428.