theme-sticky-logo-alt
theme-logo-alt
Advertisement ad1
Advertisement ad1

Poi ka Kyrmen Foundation Knock Out Football Tournament cha wakut, daw yoh Artificial turf ka EJH chwa u kut uni snem

Advertisement ad1

U Kyrmen Shylla, u Montri sorkar jylla kamjooh u MLA ka Khliehriat Constituency ynne ka sngi da pynbna paidbah u wym slem de ka East Jaiñtia Hills District u yoh noh ko yaka madan yalehke da u Artificial Turf wei yei chna u pyndep chwa wow kut u Kamichongland (Dec) yong uni u snem.

Ya u Artificial Turf daw siang haka madan Deinchynrum, wei hajrong ini u Kyrmen Shylla ong u wa kani man haroh ko chibynta i jop ya ki khon khynroo khyllood neibhah wa daw yoh ki ka laad u pynpliah chooh chooh yei sap.

Advertisement ad1
Advertisement ad1

Ya kini ki kyntien da klam u haka sngi pynkut yei yalehbol wa pynlai daka Kyrmen Foundation chirup i krehlang ka East Jaiñtia Hills Football Association waka chnat pulit yong ka East Jaiñtia Hills ha madan Deinchynrum, EJH.

Ha kani ka sngi pynkut da wan emlang leh u Metbah Lyngdoh, chongknor ka Meghalaya Legislative Assembly kam u kongsan, uwa da yaroh yaka Kyrmen Foundation kawa da khut yaki khon khynroo khyllood ka thaaiñ wow pynlut por ki hei kaam wa bha kiwa man yow tei yei im yong ki, wei kamjooh leh wa kani ka thaaiñ da pynmih ko boon kiwa yaleke wa rah naam rah burom yaka jylla.

Hawa pyn-eh bok pyn-eh nasib yow nang ye chooh chooh ko u lai chakhmat heiyatoh ki kaam wa bha haka imlang sahlang, iwi wa pynchon yumut ya oo toh wa kani ka lympung wanrah haroh ko ka khubor cha ki paidbah wow kiar nei drug deiwa jied yei yalehbol.

Neiliang u Larsing Ming Sawian, President ka Meghalaya Football Association leh hawa e yaroh yaka Ri-loom Jaiñtia, da pynkynmoo u leh yei sdang ka Shillong Lajong wei ku toh lyngba i em kiwa yalehke wa bna naam na kani ka thaaiñ, wei da man ko leh kamwa man katni.

Kamtæ yooluti u wa hadien wa dep siang pathan yow phlang Artificial Turf hapoh kani ka District daw mih chooh chooh kiwa yalehke wa bna naam.

Ha kani ka lympung waroh ki liang wa wan chimbynta em ki kamwa 32 tylli yong ki chynrang wa 6 tylli yong ki kynthai.

Kiwa yohrah yei naam jop hei yakhun Final ki chynrang toh ka Rymbai Deiñshalalu FC deiwa pynrem da 4-1 yaka Mutong & Cham Cham & Lumchyrmit FC.

Ha yong ki kynthai won da jop da ka Soaring Eagles SC deiwa pynrem da 1-0 kol yaka Wonder Phoenix SC.

Ha kani ka sngi da saam leh yaka khusnaam waka song poisa cha ka liang wa jop wei wa rem, kamjooh leh ka khusnaam cha kiwa yalehke heiwa yei naam Player of the Match da yoh da u Hesmiki Rymbai katwa neliang ki kynthai won da yoh ka Babitbha Bareh.

Chwa ini da em leh i pynkup burom ya ki bru samen wada ku chakhmat haki kaam waphær waphær, kamjooh i rwai i chaad deilang i sakhi u DC, SP ka East Jaiñtia Hills, ki MDC ka JHADC, kiwa chah khut sñiawbha wa kiwi.

Share this:
Previous

Wai u Conrad ya ka CM Youth Centre kiwa daw booh ha kylleiñ ka jylla

Next

Jop u Phaibhakupar Kharlukhi ya ka Crystal Gayle Memorial Award 2022