U Montri Rangbah ka jylla, u Conrad K Sangma ynne da wai u ya ka Chief Minister’s Youth Centre ha Chibra Agal hapoh ka Rongram Block, West Garo Hills deiwa emlang u Thomas A Sangma, MLA.
Kani ka Chief Minister’s Youth Centre toh wow wai laad deiwa chngaaiñ kam ka rynsan neibynta ki khynroo khyllood wa em ha ki thaw wa cha palatsor ka Meghalaya yow pynmankaam yei buit ki, u pynyoo yei sap ki wei wow yarap ya ki wow jop ya i eh i khoo wa maad ki.
Kani ka CMYC daw man ko kam i thaw ki khynroo khyllood ka wow yoh yei stat deiwa pyrchang hi dei kti yong ki wei ye ki wow jied yei yi wa kwah ki u pynpliah.
Ya kani da chna deiwa ya krehlang wa ka Sauramandala Foundation waka Project DEFY, wei ya kini ki Chief Ministerʼs Youth Center daw booh 20 tylli ha kiwa boon ki thaw ka jylla wa em cha kdong dooh ha ki 8 tylli ki District wei waroh daw booh 80 tylli.
