Shillong: Ka yakob yalehke Table Tennis kawa tip kam ka Eastern Command Inter–School Junior Table Tennis Championship wa pynman da ka Army Public School, Umroi Military Station da kut noh ko ynnin ka 25 tarik heiwa u Patron ka Army Public School, Umroi Mil. Stn., u Maj. Gen Sanjeev Khatri, VSM, GOC 21 Mtn. Div. da man u kam u kongsan hei emlang u Director AWES Eastern Command, u Col. Sujit Dutta, ki Principal ki skur, kiwa kitkaam ka Meghalaya Table Tennis Association wa kiwi kiwi.
Kani toh ka sien wa nyngkong ya ki 137 tylli ki Army Public School kiwa em ha kylleiñ ka ri, da pynman yaka Eastern Command Inter School Junior Table Tennis Championship hapoh i pait i pynlai u Director AWES Eastern Command, u Col. Sujit Dutta heiwa na 22 tylli ki skur hapoh ka Eastern Command, 6 tylli ki skur na ki 4 Cluster da psiah ki cha ka Final.
Ka yaleh Final da sdang ko da ka March Past wa i chim ya ki kyntien kular, wei da pynyakhun ha ki ar kyrdan Singles (Boys) wa Mixed Doubles.
U Dwirad Saikia – Class VI na APS Narangi da jop u ha ka Singles (Boys) deiwa pynrem ya u Arnav Patra – Class VII na APS Bengdubi.
U Kingshuk Das-Class V wa ka Ishani Dutta-Class VI na APS Sukna da jop ki ya ka Mixed Doubles deiwa pynrem ya u Aryaman Singh wa ka Tejaswini Deo kwia lai Class VIII na APS Gangtok.
Ya ka Championship Trophy da yoh da ka Army Public School, Sukna wei da pynbood won da ka Army Public School, Gangtok.
Discussion about this post