Poi ka lympung yaleh Badminton ka SBA cha wakut ha Shangpung

Ka lympung yaleh Badminton wa da pynman da ka Shangpung Badminton Association (SBA) kawa da sdang nadooh ka 10 tarik uni u bnai dapoi ko cha wakut ha kani ka 15 tarik.

Ha kani ka lympung da khut wow chimbynta du ya kiwa em hapoh ka Laskein Block donhi khnang wow pynchlur wei wow yoh rynsan ki khynnah wow pynyoo yei sap i phong yong ki.

Ki yalehke toh kiwa da yabhah ha ki 6 tylli ki kyrdan kitæ ka Under-14 Boy’s (Singles wa Doubles), ka Under-19 Boy’s (Singles wa Doubles), ka Open Category 35+ wa 45+  (Singles wa Doubles) waka Women’s Doubles.

Ya ki yakhun Final kiwa yoosuk wei chongchit da wan wow sakhi da u Secretary yong ka WJDBA, u M. Nongpluh uwa da e leh yei klam yaroh deiwa ong wa da boon ki khynnah kani ka thaaiñ kiwa da chah jied ha ka WJDBA neibynta wow ya chimbynta ha ki yakob wa da pynman hapoh ka jylla ha kini ki por wa dadep wei da wanrah naam ki ya ka West Jaiñtia Hills District, kamtæ da yooluti u wa daw wanrah naam chooh chooh ki ya ka WJDBA ha kani ka State Level Tournament kawa daw man ha u Naisaphra ha Nongstoin. 

Related posts

3rd Division EJHDFA: Psiah Semi ka Narwan wa ka Suchen Lumiarain

August 1, 2025

2nd Division EJHDFA: Ki liang wa da yoh u psiah Quarter Final

July 30, 2025

U kongsan ha kani ka sngi toh u Nidamon Chulet uwa da e yei klam kyntu kynpham ya ki khynnah kiwa yalehke wow man ki kiwa kreh chitom wow pynliah ya idæ yow poi ki chakhmat khamtam wa ka Sports man ko leh ka luti kamai ja-kpoh lada man ki kiwa ngait sneiñ.

Kiwa jop Final man ki kamni:

U-14 Boy’s Singles:  U Deimonmi S. Mannar da jop u ya u Sokidabiang Suchiang.

U-14 Men’s Doubles: U Sokidabiang Suchiang wa u Ophiniaishah Langstang da jop ki ya u Deimonmi S. Mannar wa u Lewat Papang.

U-19 Boy’s Singles: U Banshanbor Lamare da jop u ya u Heinipaia S. Mannar.

U-19 Men’s Doubles: U Heinipaia S. Mannar wa u Donkupar Suchiang da jop ki ya u Banshanbor Lamare wa u Hunbait S. Mannar. 

Open Singles: U Banshanbor Lamare da jop u ya u Dabiang Law.

Open Doubles: U Iadamiki Iakai wa u Lechan Suchiang da jop ki ya u Dapynpher Chulet wa u Treiminot Suchiang.

35+ Singles: U Kerlan Sungoh da jop u ya u Dapynpher Chulet.

35+ Doubles: U Kerlan Sungoh wa u Shanlang Pakem da jop ki ya u Dapynpher Chulet wa u R.D. Sungoh.

45+ Singles: U R.D. Sungoh da jop u ya u Jiwanladmon Suiam.

45+ Doubles: U R.D. Sungoh wa u Embhahlang Wett da jop ki ya u E.B. Lytan wa u Jiwanladmon Suiam

Women’s Doubles: Ka Angela Sutnga waka Khamti Langstang da jop ki ya ka Deovolente Langstang waka Lekidaroi Chulet.