Jowai: Ynne ka sngi ha ka Super Division ka WJDSA da pynman ya ka yalehke 2nd Eliminator Semi Final hapyrdi ka Sabah Muswang waka Khimusniang.
Ka yalehke da poi ko cha ka Extra Time hadien wa ym em wa yoh u thap kool hadooh wa kut ka 90 minit.
Hawa lai cha ka Extra Time, u Kermi Shylla da thap u ha ka 10 minit kawa pynjop ya ka Sbah Muswang da 1-0.
Kamtæ ka Sabah Muswang da psiah ko cha ka Final wei daw yachem ko waka 7 Wasa United ha ka 14 tarik uni u bnai heipor 1 waje i sngi.
Ha ka 3rd Division won ki Quarter Final wa dang sah u pyndep ha ka 10 tarik uni u bnai hapyrdi ka Mookaswan waka Dongmihsngi heipor 12 waje pyrdi sngi pynbood won sa ka yalehke ka Khliehmuchut waka Iawmulong Nartiang heipor 2 waje i sngi.
Discussion about this post