theme-sticky-logo-alt
theme-logo-alt

Psiah NPP ka Dr. Jasmine Lyngdoh ka payu tre ka Ampareen

Ka Dr. Jasmine Mary Lyngdoh kawa man leh ka payu tre ka Dr. Ampareen Lyngdoh, MLA ka East Shillong da ong ko wa i daw wa pynman ya ka wow jied yow psiah cha ka National People’s Party toh hadien wa da chem wei da yoo ko wa kani ka Party ka em ko ya kiwa yahkhmat kiwa pynyoo sakhiat cha ki paidbah wa ye ki u leh ya kiwa boon kiyi kiyi.

Ya ini da ong ka Dr. Jasmine ha ka yalang pdiang sñiawbha ya ka cha ka NPP yow man kam ka dkhot wa pura yong kani ka Party ha ka yalang wa da pynman ha yingkieñ Nongthymmai Indoor Stadium.

Chooh chooh da ong ko leh wa kiwa yahkhmat ka Party toh kiwa kreh hanla em hapyrdi iwa boon i eh i khoo khamtam ha kini ki ar snem wa da wan ban ka khlam wa chyrkhei tangwa kam ka Party wa kiwa yahkhmat ki yong ka ym em rem, ym em tlot i rukom krehkaam yong ki.

Kamtæ hawa da yoo ya ini waroh, ka Dr. Jasmine da kyrmen skem ko wa kani ka seiñ daw yarap ko ya ki paidbah salonsar khamtam ya ki paaid wa chong chnong ka Nongthymmai Constituency wow yoh ya ki sarok, ki skur wa ki laad sumaar kiwa bha wei iwa rap kongsan toh i skem wa i chongsuk chongsaiñ.

Tangwa da ong ko wa ynne ka sngi toh du i dak sdang donhi wei neini chakhmat daw hap u kreh chitom.

Ha kani ka yalang da pynbna ya ka Dr. Jasmine kam ka kyrtong MLA kawa daw yakhun na Nongthymmai Constituency wa da mihkhmat da u Charles Pyngrope katni.

Share this:
Previous

Pynkup burom ka KSU War Jaiñtia ya ka Evangel Pohplet

Next

Maham chah thngan kiwa kreh Mid Day Meal lym yoh jubab yei dawa hapoh 12 sngi