Psiah NPP u Secretary wa u Chairman ka chnong Saitsama

Ha ka yalang wa da pynman ha chnong Saitsama yow wan pyntipmit ya u kyrtong ka NPP na 10-Mynsngat Khanduli Constituency, u Pheinshwa Nanglein cha kiwa yahkhmat wa kiwa krehkaam yong ka chnong Saitsama, neiliang u Secretary wa u Chairman yong ka chnong Saitsama da psiah ki leh kam ki dkhot wa pura ka NPP.

Ya kani ka yalang da pynlai da u Stanley Vanchei heiwa da yoh leh yei klam na ki kattu katni ngut ki waheh kam na u waheh chnong ka Sohphoh, u Mutshwa Thabah, u waheh chnong ka Mynsngat, u Kynpham Pakma wa na u kyrtong ka NPP, u Pheinshwa Nanglien heiwa kini waheh da kyrpaad ki ya ki dkhot wa ya emlang waroh yow man ki kiwa kreh chitom wei da kyntu ki leh yow e ki buit wei bor hawa kammon yow pynman ya ka chnong Saitsama kawa yatylli ha waroh ki liang. Wei da kyrpaad leh ya kiwa emlang waroh wow kyrchaan tylli ha u kyrtong ka NPP.

Ha kani ka yalang da emlang leh u Deputy Chief Minister, u Sniawbhalang Dhar uwa da e khublei ya u Secretary wa u Chairman yong ka chnong Saitsama wa da psiah ki cha ka NPP deiwa ong u wa lyngba i psiah yong kini ki waheh daw pynman ya ka Party wow man ko kawa khlan wei da yooluti u leh wa lyngba ini, ka chnong Saitsama hi u yatylli ko wow kyrchaan pura ya u Pheinshwa Nanglien.

U Sniawbhalang Dhar da ong chooh chooh u wa ka chnong Saitsama toh kawa da jooh pynjop emburom ko ya oo ha ki por wa nachwa tangwa da ieh noh ki ya oo ha kani ka Election wadep wei kattæ toh wa em u kyrtong na ka chnong Saitsama hi wei hadien wa jop u ym em u ieh u ya ka chnong, wei hawa wan ki waheh smat u wow yarap ya kani ka chnong wa maya deiwa ong, “Sñiawthooh bait O hawa em bru na chnong kammon u ieh phi oo, nga hi kam u MLA yong phi leh ym em u booh ym em ksohnood O yeitæ.”

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

“Ynne leh wan O heini sa chisien yow pynlang pynlum O ya phi u sdang i na kani ka Election deiwa phi hi u pynjop emburom phi yow Pheinshwa Nanglien uwa man u kyrtong NPP na kani ka Constituency yong phi.”

Da pynkut u deiwa ong wa to u ya khrehlang da iwi i buit, da iwi i bor khlem da sñiaw yaphær pyrkhat hapyrdi ki warim wa kiwa thymme waroh yow man phi i jooh ha ka thong hi toh yow pynjop emburom ya u Pheinshwa Nanglien.