Ka Dorbar Chnong Pdengshakap kawa pynman ya ka lympung yalehbol kawa tip kam ka 9th Secondary School Football Knockout Tournament 2022-23 ha madan Pdengshakap hi, da yoh ko u pteiñ biang ya ki yalehke ha kani ka 21 tarik da ki yalehke 2nd Round wa nyngkong wa da pynman ar tylli.
Haka yalehke wa nyngkong hapyrdi ka Thangbuli YSWA waka Nongmadan SC da ya thap ki mar chi kool. Ya ka Thangbuli da thap da u Chanmitre Thma haka minit wa 2 katwa yaka Nongmadan won da yoh thap da u Embracestar Lyngdoh haka minit wa 15.
Kamtæ yow yoh ya kiwa jop da pynman da ka yachut Penalty heiwa da jop daka Thangbuli da 3-0.
Ha ka yalehke wa ar won ka Umsalait SC da jop ko yaka Nohron SC da 1-0, wei ya kani ka kool da thap da u Marbiang Suchiang haka minit wa 49.
Kamtæ kini ki ar liang da yoh ki wow psiah cha ka Quarter Final.
Ki 2nd Round wa bood u pynman biang ha kani ka 28 tarik hapyrdi ka Amlanai YC pyrchah yaka Nonglamin FC heipor 12:00 waje pyrdi sngi wei daw pynbood daka Pohplet FC pyrchah yaka Nongrah SC (Shillong) heipor 2:00 waje i sngi.
