Uwa rwai ka Meghalaya, u Kitkupar Nongsiej dapoi u sa cha uwi u moomær deiwa yoh u psiah Semi Final ha ka World Championships of Performing Arts (WCOPA) 2026, kawa pynman kattæ ha Las Vegas, Nevada, USA.
U Kitkupar man u kam u dkhot ka Team India, wei da ye u wow pyndep ya ki Preliminary Round heiwa da chah jied u wow lai chakhmat da ki Judge kiwa na kiwa boon ki ri.
Deiwa psiah Semi Final da yoh u yei thaw hapyrdi kiwi kiwa chimbynta na kiwa boon ki ri ka pyrthai.
Kam wow pynkynmoo wa u Kitkupar toh uwa na chnong Kynshi wa em ha Eastern West Khasi Hills District wei hadien wa pyndep ya kiwa boon ki Audition da chah jied u kam uwi na ki dkhot ka Team India wow chimbynta ha ka WCOPA kawa tip leh kam ka “Olympics of Performing Arts.”
Kiwa chimbynta toh nadooh kiwa rwai, kiwa tem wa put, ki Actor wa kiwi de ki sap ki phong wa em ki bru kiwa wan na palat 60 tylli ki ri yow man kani ka yakob kam kawi na ki rynsan wa heh dooh hapoh pyrthai.
Discussion about this post