15 49.0138 8.38624 1 0 4000 1 https://wyrta.com 300 0
Advertisement ad1

Psiah u MDC ka Malki-Laitumkhrah cha ka UDP hadien wa mih noh u na ka BJP

0 Comments

Shillong: U MDC ka Malki-Laitumkhrah Constituency, u Neil Antonio War ynne ka sngi da lai psiah noh bu cha ka United Democratic Party (UDP) ha ka yalang kawa da pynman ha yung sah u President ka Party.

Ya u Antonio da pdiang burom ya oo da u Working President ka UDP, u Paul Lyngdoh ryngkat i emlang u Vice President, u Allantry Dkhar wa kiwi kiwi kiwa kitkaam ka Party.

Advertisement ad1

Hawa yaklam wa kiwa pathai khubor hadien kani ka yalang, u Paul da pynsñiaw u yei mynsien wa kmen ya ini i wan psiah u MDC uwa da ieh noh ya ka party BJP wow psiah cha ka UDP.

Da ong wa em i daw iwa pynman ya u Antonio wow chim ya kani ka rai, neibhah wa da uiñ u na ka madan wa heh katæ na ki Party kam ka BJP wow emlang noh wa ki Party tre ri-loom.

Da ong u, lada toh wow pynneh ya i man kyrpang ka jaitbru toh wow pynkhlan ya i long i man kam kiwa na ri-loom, ymtoh wow chah pynlai ha ki party na Delhi. Heijooh i por da ong, i wan yong u Antonio toh i wow leh iwon iwon na ka party ri-loom kawa da rim tam, wei toh kiwa chna wa kiwa yahkhmat ya ka mynried pyn da-i ya-i hi kamwa da wan ka la-ær i kylla ha ka saiñpyrthai.

Neiliang u Antonio da ong u wa da em u i thmu wow psiah cha ka UDP nadooh u snem 2012-13, ya kani ka rai da chim u hadien wa e yumut da kiwa kyrchaan ya oo wow psiah cha kani ka Party hanlada yajan bha u wa uwa yahkhmat ya ka PDF, u Pynshgain N Syiem, wei i jied ya ka UDP toh neidaw wa man ko kawi na ki Party ri-loom kawa da rim wei kawa da heh, wei i daw wa ieh u ya ka BJP toh neidaw wa man ko ka Party kawa dang chimpor ya ki paidbah ha kani ka jylla wow pdiang ki ya ka.

Advertisement ad1

0 Comments

Leave a Reply