15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yoh kem drugs ki pulit ka ANTF na ki ar kari wa kynjoh T. 1klur tam najan Ialong, WJH

0 Comments
Advertisement ad1

Jowai: Ki pulit ka Anti-Narcotics Task Force (ANTF) ha kani ka 15 tarik hadien wa yoh yutip ki wa da em kiwa khayi Drugs kiwa wan na Guwahati kiwa lai cha Silchar wei da jan poi ki cha West Jaiñtia Hills District kamtæ ki pulit ka ANTF ka West Jaiñtia Hills hei yahkhmat u Macjoel Marngar, MPS, DSP (HQ) West Jaiñtia Hills wa u SI Arki Wahlang I/C ANTF West Jaiñtia Hills da lai ki wow kem ya kini ki bru kiwa wan da ki kari.

Ki pulit da booh Check Point ki ha u sarokbah NH44 ha Ialong hajan ka Pine Breeze Guesthouse wei heipor 10:20 i miet da wan ar tylli ki kari Scorpio kiwa em ya u number MN-01 – AK-6984 (rong lieh) wa MN-01 – X-8542 (rong yong) da poi ki ha kani ka thaw wei da pynsangeh ya ki wei manda kynreh ya kini ki kari da chem ya 67 tylli ki song Plastic kiwa em rong soo, rong suiñ bneiñ wa rong stem wa rong yong kiwa i jooh i heh wei waroh da em ki 67 song.

Advertisement ad1

Hapoh kini ki yusong da em 10 tylli ki Plastic kiwa da kset sbak heiwa hapoh kawi ka Plastic da em 100 tylli ki kuli rong soo kiwa da em ki dak “WY” kiwa da suba toh ki “Psychotropic Drugs”. Waroh kini ki dawai kuli da em ki 67,000 tylli.

Napoh kini ki ar tylli ki kari Scorpio, da chem ya 11 tylli ki Mobile Phone, 6 tylli ki SIM Card waka poisa kawa poi hadooh T. 2,96,065. Ya i kynreh ya kini ki kari da pynman deiwa sakhi ka Executive Magistrate ka West Jaiñtia Hills, ka B. Blah, MCS.

Kini kiwa khayi Drugs da tip kam u M. Sianzathang Zou (35 snem), Chinsunlam Zou (27 snem), u Mangminthang Zou (29 snem), ka Niangnu Zou (39 snem), u Pawhawi Zou (31snem), u Thangboi Zou (27 snem), ka Ngehnu Zou (18 snem) wa sa kawi ka khynnah kynthai kawa dang 16 snem.

Katkam wa pyntip u SP ka WJH lyngba ka takit kawa dang pteiñ ya kini ki Drug toh wa wan na ri Myanmar lyngba ka chnong Moreh yow dai cha kiwi ki jylla wei da suba wa uni u jait Drug katkam wa tip hei pyrtuid dawai toh u jait Meta Amphetamine wei i dor yaaw yong ki lada yoh u dai ya kini ki drug wa da chah kem da kynjoh i T. 1 Klur 34 lak.

Chooh chooh u SP da ong u wa da boon bha kiwa emkti wow khayi Durgs hapoh ka thaiñ mihsngi iwa da ktah ya ki khynroo khyllood wei da em leh kiwa dih Drugs da lai ki chadooh cha Cachar yow thied Drugs.

Share this:
Previous

Psiah u MDC ka Malki-Laitumkhrah cha ka UDP hadien wa mih noh u na ka BJP

Next

Ka STEDS kam ka Society wow kreh neibynta wow pynneh pynsah ya ki thaw uiñke wa da e kyrpang ka Rymaw