I chah tooh kari hapoh ka jylla Meghalaya dang pteiñ hi i khamtam ki thuk-thuk heiwa ha ka 24 tarik uni u bnai da em wa tooh ka kari u Lakhabinder Singh wa em Number ML-05Z-4977 na i thaw wa booh u ha Indian Oil Petrol Pump wa em ha Mawkhanu, Shillong By-Pass Road, NH-44 (EKH).
Ha ka 26 tarik heipor kamwa 1:30 i step da chah tooh kawi ka Scooty wa em Number ML-11-8319 na kawi ka thaw wa em hajan ka Wahshnong Club, Tuber Kmaishnong (EJH).
Ha ka 24 tarik heipor kamwa 2:00 waje i step da em wa tooh ya kawi ka Scooty wa em Number ML-04D-9291 na Salaroh, Jowai .
Ha ka 25 tarik won heipor step da em wa tooh ya kawi ka Scooty wa em Number ML-05AE-2920 na Soomer-Sabahmuswang (WJH).
Ha ka 22 tarik uni u bnai, ka Luince D Sangma da ujor ko wa heipor 2:00 waje i step, da em kiwa tooh ya ka Bolero Pick-Up ko kawa em Number ML-13-0748 na pchem yung ko wa em ha Throikakona (NGH).
Hei step ka 25 tarik won, ki pulit ka Tura da yoh ki wow kem ya ar ngut kiwa suba tooh thuk-thuk wa tip kam u Jangkal B Marak (29 snem) wa u Tengwal R Marak (30 snem) na Songsak (EGH) wei na kini ki chem ar tylli ki Scooty.
Discussion about this post