I saam Tin yung u Sniawbhalang Dhar cha ki chnong wa em hapoh ka Nartiang Constituency da pteiñ i ha ka 9 tarik uni u bnai heiwa da saam cha ki 310 tylli ki yung ha ka chnong Moodymmai deilang wa ka chong Tyrchang.
Yeini da leh deiwa emlang ki kattu katni ki waheh na kini ki chnong kitæ u Chanbor Dkhar, u Ezekiel Laloo, u Kerson Talang, u Buhbha Dkhar, u Charles Lyngdoh, u Mayan Siangshai wa u George Pariat deilang ki manbei wa ki khynroo yong kini ki chnong kiwa da yoh byntalang ya kini ki Tin.
Kini ki waheh da dap ki dei sñiawngooh ya u MLA yong ki wa da leh u yei kaam pynroi neibynta ki khon yong kini ki chnong.
Neiliang u George Paruit da pynsñiaw u yei sñiawngooh wa da yoh ya kini ki Tin khamtam ha kini ki por wa da joor u slap u phria wa ka la-ær wei da man ko i kyrkhu ya ki kam ka yung ka sem kiwa da yoh u pynthymme ya ki tnoom yung yong ki.
Kamtæ da e khublei kyrpang ki wei da kyrkhu kyrdoh ki ya u MLA yong ki, u Sniawbhalang Dhar yow nang ye chooh chooh u wow wanrah ya iwa boon i kyrkhu ya ki khon ka 1-Nartiang Constituency neini chaphrang.
Discussion about this post