U National Spokesperson yong ka All India Trinamool Congress, u Saket Gokhale da khut u markhmat ya u Symbood Montri Rangbah ka jylla, u Prestone Tynsong wow yatai nia ym toh wow maham na kdong.
U Gokhale uwa da wan wow synraan lang ya ka Chairperson yong ka Trinamool ha Shillong, da kob u wa lada u Prestone nood u, toh u wan u chakhmat lada ym leh bakla u, wei lada toh u mentooh uwa pyndooh burom ya ka jylla Meghalaya, ieh u lai ujor u cha ka kachari, tangwa da pyndooh burom u ya oo wa ya ka jylla Meghalaya wei da lute u na ki paidbah. Da ong chooh chooh wa uwa tooh ym em u ya ka burom wei ym emkaam hi leh wow pyndooh burom ya u mentooh.
Da ong u wa kani ka sorkar da chah pynbaad ko wei da toh u pynche hajrong ini, wei najrong wym ye ko u pynche da ujor kylla ko pyrchah ya oo, deiwa pynrap wa kani ka sorkar ym ye ko wow pyntieñ ya oo neibhah kani ka sorkar ya idæ leh tieñ ko.
Hawa kylli, da ong u wa em u ki sabut wow pynsakhiat hajrong ki pynbaad wa da booh, wei ha kawa khaddooh kani ka sorkar hap ko wow e yukheiñ cha ki paidbah. U Gokhale da kob u leh wa lada ha ka yatainia da chem wa bakla u, ka sorkar toh u ujor ko pyrchah ya oo ha kachari wei lada chem wa ka sorkar bakla ko, toh u Resign chwa yong ka Election.
Puræ leh: Nga ym toh u “Psycho” kamwa pynbaad u Prestone, ujor u Gokhale ha u SP ka East Khasi
